Bybelvasvrae

Hier is verskillende Bybelvasvrae wat jy kan gebruik.

---

Algemene vrae

• Algemene vrae oor enige iets in die Bybel.
• Gee net eenvoudig die regte antwoord.
• Eerste hand op, kry die eerste kans om die antwoord te gee.
• As daardie groep se antwoord verkeerd is, gaan ons die volgende groep vra wat hulle hande opgesteek het.
• Elke vraag tel een punt, ongeag die hoeveelheid name, of woorde wat genoem moet word.

---

Pas die pa’s by die seuns

• Elke keer word daar gevra: wie was … se pa OF wie was … se seun?
• Daar word elke keer vier opsies gegee.
• Gee die regte een.
• Eerste hand op, kry eerste ‘n beurt.
• Elke antwoord tel een punt – waar daar dus twee antwoorde gegee moet word, tel die vraag twee punte.

---

Four-in-one … which one?

• By elke vraag is daar vier name, diere of enige ander voorwerp.
• Een van hulle pas of pas nie …
• Watter een is dit???
• Elke regte antwoord, kry een punt.

---

Raai … raai … riepa!

• Elke raaisel gee ‘n leidraad na ‘n naam of dier in die Bybel.
• Moenie bekommer oor spelling nie…vra eerder hoe die woord klink!
• Dalk ‘n bietjie soet, dalk ‘n bietjie stout, maar dit sal jou by die antwoord uitkry!
• Ontsyfer hierdie raaiseltjie eerste, gee die regte antwoord en jou span is een punt ryker!
• Voorbeeld: Raaisel: Moenie hier kerm en kla nie… (Antwoord: Daniël.)

---

Voltooi die vers

• Hier word elke keer ‘n paar woorde van `n vers gegee …
• Maak die res van die vers klaar en jou span is dalk net ‘n punt ryker!

---

Liriekeraai

• Elke skyfie bevat ‘n reël of reëls uit die Psalms of Skrifberyming in die Psalmboek.
• Hierdie reël of reëls kan uit enige vers van ‘n betrokke Psalm of Skrifberyming kom.
• Identifiseer die Psalm of Skrifberyming en jou span kry ‘n punt.
• Sing hierdie Psalm of Skrifberyming en jou span kry 1 bonus punt!

---

Bybelboek-bonanza

• Elke skyfie bevat ‘n leidraad na een van die boeke in die Bybel – Ou Testament of Nuwe Testament.
• Hierdie leidraad kan gaan oor die naam van die boek óf oor die inhoud van die boek.
• Identifiseer die boek en jou span kry ‘n punt.

---

Ontsyfer die naam

• Elke skyfie bevat ‘n mengelmoes van die letters van ‘n naam in die Bybel.
• Hierdie mengelmoes kom in ‘n mengelmoes van verskillende vorms.
• Identifiseer die naam en jou span kry ‘n punt.

---

Orde!

• Elke skyfie bevat vier verskillende name, gelykenisse of gebeure.
• Hierdie verskillende name, gelykenisse of gebeure is egter deurmekaar en moet in die regte volgorde geplaas word.
• Plaas hierdie vier verskillende name, gelykenisse of gebeure eerste in die regte volgorde en jou span is ‘n punt ryker!

---

Ontsyfer die vers

• Elke skyfie bevat ‘n vers of `n gedeelte van ‘n vers waarvan die woorde geskommel is.
• Plaas die woorde in die regte volgorde om sodoende die regte vertaling van die vers te kry.
• Ontsyfer hierdie mengelmoes van woorde eerste en jou span is ‘n punt ryker!

---